વાંચકોનો પ્રેમ અનરાધાર વરસ્યો..... હવે તો હરીશ હંગેરી જશે જ

આજે પહેલી વાર બ્લોગ લખતા અજબનો આનંદ થઇ રહ્યો છે. એનું કારણ એ નથી કે આ બ્લોગની હીટ બમણાંથી વધારે આવી છે. પણ કારણ એ છે કે, સંવેદનશીલ વાંચકોએ બ્લોગને દિલથી વધાવી લીધો છે. રવિવારે બ્લોગ મૂકાયા પછી પ્રકાશ ઝા, અશોકભાઇ પટેલે આ દિવ્યાંગોને મદદ કરવાની તૈયારી બતાવી. હજુ એટલું ઓછું હોય તેમ મિત્રોના ફોન આવ્યા કે, શું મદદ કરીએ..અભિલાષ ઘોડા, સુરતના મુકેશ ભાવસારે બ્લોગ ઘણી જગ્યાએ ફોરવર્ડ કર્યો સિનિયર પત્રકાર અનિલ પટેલ, એનજીઓ ચલાવતા શિવભટ્ટસિંહ ગોહિલ જેવા અનેક દોસ્તોએ બ્લોગ ફોરવર્ડ કર્યો..

પરિણામ એ આવ્યું લોકોના ફોન આવવાના શરૂ થઇ ગયા. રાજકોટના એક મિત્ર લાયન્સ ક્લબના સભ્ય છે....મહેશભાઇ. એમણે આ દિવ્યાંગને હંગેરી જવાના ખર્ચના 25 ટકા આપવાની વાત કરી છે. તો મોડી રાત્રે પીઆર વ્યવસાય સાથે સંકળાયેલા વીકીભાઇ શાહ અને રાજકોટથી ભરત બારાઈનો મેસેજ આવ્યો કે તેઓ પણ મદદ કરવા માટે તૈયાર છે. તો સવાર સવારમાં અમેરિકાથી હર્ષજીત ઠક્કર નામના વાંચકનો ફોન આવ્યો કે હરીશને હંગેરી જવા મદદ કરવા તેઓ તૈયાર છે.

ખમીરવંતા વાંચકોના આવા ઘણા ફોન આવ્યા...બધાના નામ યાદ રાખી શક્યો નથી..પણ ઘણાં સંવેદનશીલ વાંચકોએ હરીશ વર્માની જરૂરિયાત વિશે પૂછ્યું....આથી હું હરીશ વર્માનો નંબર અહીં મૂકું છું કે જેથી જે લોકો આ બંને દિવ્યાંગોને મદદ કરવા માગતા હોય તે તમામ વાંચકો તેમનો સીધો સંપર્ક કરી શકે...જેથી કોઇ વચેટિયો વચ્ચે રહે નહીં. હરીશ વર્માના બે નંબર છે..(1) 9998176060 (2) 8160419796. આ બંને નંબર એટલા માટે મૂક્યા છે કે, તેનો સીધો સંપર્ક કરી શકાય..
ભારતને એક મેડલ જીતાડવામાં આપણો પણ ફાળો રહેશે. વાંચકોનો ઉત્સાહ જોઇ મને આશા છે કે, જો હરીશ હંગેરી જશે તો ભારત માટે મેડલ લઇને આવશે. અને આપણી છાતી 56ના બદલે 112ની થઇ જશે. 
ફરી એકવાર વાંચકોનો આભાર માનું છું કે, મદદ માટે આગળ આવ્યા અને બીજા મિત્રોનો પણ આભાર માનું છે કે તેમણે સંવેદના બતાવીને બીજા મિત્રોને બ્લોગ ફોરવર્ડ કર્યા. નહીંતર હરીશનું હંગેરી જવાનું સ્વપ્ન પૂરૂં જ ન થાત....ત્યારે એક લીટી લખવાનું મન થાય છે કે, 
મંદીર, મસ્જિદમાં ભગવાનને અને ખુદાને કેમ શોધો છો...
ગુજરાતી વાંચકો જ છે, જે ભગવાનને ખુદા સુધી લઇ જાય છે. 
ઓલ ધ બેસ્ટ હરીશ વર્મા....